స్నేహితుని పుట్టినరోజు వేడుకలు నిర్వహించేందుకు బీచ్ వద్దకు వెళ్లిన నలుగురు యువకులు గల్లంతయ్యారు. ఈఘటన ఏపీలోని శ్రీకాకుళం జిల్లా కవిటి మండలం పుక్కల్లపాలెం బీచ్ వద్ద జరిగింది. ప్రమాదంలో నలుగురు యువకులు నీటిలో కొట్టుకుపోయారు.
ఇప్పటికి ముగ్గురి మృతదేహాలు లభ్యం కాగా..మరొకరి కోసం గాలింపు చేపట్టారు. మృతులు బొర్రపుట్టుగ గ్రామానికి చెందిన సాయిలోకేశ్ (20), తిరుమల (17), మనోజ్‌కుమార్ (21)గా గుర్తించారు. మరో యువకుడు గోపీచంద్ (18) కోసం గాలింపు చర్యలు ముమ్మరం చేశారు. యువకుల మృతితో వారి కుటుంబాలలో విషాదఛాయలు అలుముకున్నాయి.
ఇదీ చూడండి: Murder: ఓఆర్ఆర్పై దారుణం.. సైడ్ ఇవ్వలేదని కొట్టి చంపారు..
