పెద్దపల్లి జిల్లా గోదావరిఖని గంగా నగర్ వద్ద బొగ్గు లారీ డ్రైవర్ను కత్తితో బెదిరించి దోపిడీకి పాల్పడిన నలుగురు నిందితులను పోలీసులు అరెస్ట్ చేశారు. వారి వద్ద నుంచి కత్తితో పాటు 9 వేల రూపాయల నగదు, ద్విచక్ర వాహనాన్ని స్వాధీనం చేసుకున్నట్లు పెద్దపల్లి డీసీపీ రవీందర్ తెలిపారు. ఈనెల 28న గోదావరిఖని ఫైవ్ ఇంక్లైన్ ఏరియా నుంచి గంగానగర్ వెళ్తున్న బొగ్గు లారీని నలుగురు వ్యక్తులు ఆపి... డ్రైవర్కు కత్తి చూపించి చంపుతామంటూ బెదిరించి అతని వద్ద ఉన్న 9 వేల నగదును తీసుకుని ఉడాయించారు.
వెంటనే డ్రైవర్ మహమ్మద్ తాజ్ పాషా పోలీసులకు ఫిర్యాదు ఇచ్చాడు. వెంటనే రంగంలోకి దిగిన పోలీసులు... నిందితులు కాకినట్ల మణికంఠ, గడ్డం అరుణ్ కుమార్, ధనాల వరప్రసాద్, నీలపు దుర్గాప్రసాద్లను అరెస్టు చేసినట్లు డీసీపీ వెల్లడించారు. వెంటనే కేసును ఛేదించిన వన్ టౌన్ సీఐ రమేష్ బాబు, రాజ్ కుమార్ గౌడ్, పోలీసు సిబ్బందిని డీసీపీ రవీందర్, ఏసీపీ ఉమేనందర్లు అభినందించి నగదు రివార్డులను అందించారు.
ఇదీ చదవండి : Lockdown Effect: ఆర్థిక సుడిగుండంలో కూరగాయల రైతు
