Doctor shared the delivery photos whatsapp: ఏపీలోని వైఎస్ఆర్ జిల్లా జమ్మలమడుగులోని వైద్య వృత్తికే కళంకం తెచ్చే ఘటన చోటు చేసుకుంది. కాన్పు కోసం వెళ్తే ఆ సమయంలో తీసిన ఫోటోలు ఓ వాట్సప్ గ్రూప్లో పెట్టడం కలకలం రేపింది. గత నెల 24 తేదీన జమ్మలమడుగులోని ప్రైవేట్ ఆస్పత్రిలో పురిటినొప్పులతో మహిళచేరింది. ఆరోగ్యశ్రీ ద్వారా వైద్యులు శస్త్ర చికిత్స చేసి కాన్పు చేశారు.
ఆ మహిళ సర్జరీకి సంబంధించిన ఫొటోలను ఆరోగ్యశ్రీ యాప్లో అప్లోడ్ చేయాల్సి ఉంటుంది . అయితే ఫొటోలను ఆరోగ్యశ్రీ యాప్లో కాకుండా పొరపాటున జమ్మలమడుగుకు చెందిన వాట్సప్ గ్రూప్లో షేర్ చేశారు. ఆ ఫొటోలు చూసిన కొందరు వెంటనే ఆసుపత్రి సిబ్బంది, యాజమాన్యానికి సమాచారం అందించారు. సమాచారం అందుకున్న కొన్ని గంటలకే ఆ ఫొటోలను గ్రూప్ నుంచి తొలగించారు. ఆలస్యంగా ఈ ఘటన వెలుగులోకి రావడంతో ఆస్పత్రి యాజమాన్యంపై చర్యలకు అధికారులు ఆదేశించినట్లు సమాచారం.
ఇవీ చదవండి:
