ప్రేమ జంటను బెదిరించాడు.. విధుల నుంచి డిస్మిస్‌ అయ్యాడు

అతడో కానిస్టేబుల్... తప్పు చేసిన వారిని పట్టుకొని శిక్షిందేది పోయి తప్పుడు పనులకు పూనుకున్నాడు. ఒంటరిగా కనిపించే ప్రేమ జంటలను టార్గెట్ చేస్తూ వారిని బెదిరించి అందినకాడికి దండుకుంటున్నాడు. తాజాగా ఓ జంటను ఇలాగే బెదిరించాడు. వారి దగ్గరనుంచి డబ్బులు వసూలు చేశాడు. అంతటితో ఆగకుండా వారికి ఫోన్ చేసి మళ్లీ డబ్బులు పంపాలని వేధించసాగాడు. చివరికి విసిగివేసారిన బాధితురాలు పోలీస్​స్టేషన్​లో ఫిర్యాదు చేసింది. ఆ తర్వాత ఏమైదంటే...

ప్రేమజంటను బెదిరించి డబ్బులు వసూలు చేసిన ఘటనలో కానిస్టేబుల్ ఆకాశ్​ను హైదరాబాద్ ఆనంద్ సీపీ సీవీ ఆనంద్‌ విధుల నుంచి తొలగించారు. ఈనెల 15న డైరీ ఫామ్ రోడ్డులో ప్రవీణ్ కుమార్ అనే యువకుడు తన స్నేహితురాలితో మాట్లాడటం గమనించి ఆకాశ్ వారిని బెదిరించాడు. అంతటితో ఆగకుండా వారి దగ్గరనుంచి రూ.15 వేలు వసూలు చేశాడు.

ఆ తరువాత కూడా బాధితులకు ఫోన్ చేసి డబ్బులు డిమాండ్ చేయడం మొదలు పెట్టాడు. దీంతో బాధితురాలు తన స్నేహితుడితో కలిసి బోయిన్​పల్లి పోలీస్​స్టేషన్​లో ఫిర్యాదు చేసింది. పోలీసులు ఆకాశ్​పై కేసు నమోదు చేసి రిమాండ్​కు తరలించారు. క్రమశిక్షణ చర్యల్లో భాగంగా సీవీ ఆనంద్‌ అతన్ని డిస్మిస్‌ చేశారు.

ఇదీ చదవండి: మనీ ట్రాన్స్​ఫర్​ చేసి.. క్యాష్​ తీసుకున్నారా..? అయితే ఇది మీకూ జరిగుంటుంది..!