'అమ్మా.. హనుమాన్ టెంపుల్ ఎక్కడ' అని అడిగాడు. ఇటువైపు ఒకటి, అటువైపు ఒకటి ఉందని ఆ వృద్ధురాలు సమాధానం చెప్తుండగానే.. మెడలో ఉన్న బంగారు గొలుసు తెంచుకుని బైకుపై ఉడాయించారు దుండగులు. ఈ ఘటన కామారెడ్డి జిల్లా కేంద్రంలో చోటు చేసుకుంది.
పట్టణంలోని శ్రీరాంనగర్ కాలనీలో నివాసం ఉండే వరలక్ష్మి(60).. ఉదయం ఆరున్నర గంటల ప్రాంతంలో పూజ కోసం ఇంటిముందు ఉన్న చెట్టు పూలు తెంచుతోంది. కాసింత దూరంలో ఓ బైకుపై ఉన్న ముగ్గురిలో ఒకరు ఆమె వద్దకు వచ్చారు. అడ్రస్ అడిగినట్టు నటించి.. మెడలో ఉన్న నాలుగు తులాల బంగారు గొలుసు అపహరించారు. వెంటనే తేరుకున్న వృద్ధురాలు అరిచేలోపు ఆ దుండగులు అక్కడి నుంచి పరారయ్యారు. బాధితురాలి ఫిర్యాదుతో పోలీసులు కాలనీకి చేరుకుని విచారణ చేపట్టారు.
ఇదీ చూడండి: భవనంపై నుంచి దూకి మహిళ ఆత్మహత్య
