Jagtial Accident: జగిత్యాల జిల్లా కేంద్రం గాంధీనగర్‌లో రోడ్డు ప్రమాదం జరిగింది. బైక్ను, ట్రాన్స్ఫార్మర్ను ఓ కారు ఢీకొట్టింది. ఈ ప్రమాదంలో బైక్‌పై ఉన్న ఇద్దరికి గాయాలయ్యాయి. కారు అతివేగం వల్ల ట్రాన్స్‌ఫార్మర్, స్తంభాలు పడిపోయి విద్యుత్‌ సరఫరా నిలిచిపోయింది. ఘటనలో కారు బోల్తా పడింది.
ట్రాన్స్ఫార్మర్ను ఢీకొట్టిన కారులో భారీగా గుట్కా ప్యాకెట్లను పోలీసులు గుర్తించారు. అనుమానంతో కారును పోలీసులు ఆపడానికి ప్రయత్నించినప్పుడు తప్పించుకుని వేగంగా వెళ్లింది. ఈ క్రమంలో ముందున్న బైకును ఢీకొట్టిన తర్వాత పక్కనే ఉన్న ట్రాన్స్ఫార్మర్ను ఢీకొట్టినట్లు పోలీసులు తెలిపారు. క్షతగాత్రులను జగిత్యాల ప్రభుత్వ ఆస్పత్రికి తరలించారు.
ఇదీ చదవండి: కంటైనర్ను ఢీకొట్టిన ఆర్టీసీ బస్సు.. డ్రైవర్ మృతి, ఏడుగురికి గాయాలు
