కరీంనగర్‌కు చెందిన సలీం పాషా(21), రాంనగర్‌కు చెందిన మహ్మద్ సమీర్(20) ఓ ప్రైవేట్ ఏసీ కంపెనీలో టెక్నీషియన్లుగా పనిచేస్తున్నారు. హైదరాబాద్ రాంనగర్‌లో నివాసముంటున్న వీరు.. బాలానగర్‌లో ఏసీ సర్వీసింగ్ చేయడానికి అందులో వాడే గ్యాస్ సిలిండర్తో సహా బైక్పై వెళ్తున్నారు.
బోయినపల్లి చౌరస్తా నుండి బాలానగర్ వైపు వెళ్తున్న సమయంలో ఇద్దరి మధ్య ఉన్న సిలిండర్ ఒక్కసారిగా పేలింది. ఈ ఘటనలో వెనకాల కూర్చున్న సలీం పాషా తీవ్ర గాయాలతో అక్కడికక్కడే మృతి చెందగా, బైక్ నడిపిస్తున్న మహ్మద్ సమీర్ గాయాలతో బయటపడ్డాడు. ఈ దృశ్యాలు సమీపంలోని సీసీ కెమెరాలో రికార్డ్ అయ్యాయి. రద్దీగా ఉండే రహదారిపై జరిగిన ఈ ఘటనతో వాహనదారులు భయాందోళనలకు గురయ్యారు.
ఘటనాస్థలానికి చేరుకున్న బోయినపల్లి పోలీసులు మృతిచెందిన సలీం మృతదేహాన్ని పోస్టుమార్టం నిమిత్తం గాంధీ మార్చురీకి, మహ్మద్ సమీర్ను చికిత్స కోసం ఆస్పత్రికి తరలించారు.
ఇదీ చూడండి : విద్యుత్ తీగలపై వ్యక్తి హల్‌చల్‌
