మేడ్చల్ జిల్లా నేరెడ్మెట్లో ఓ వ్యక్తి దారుణ హత్యకు గురయ్యాడు. శ్యామ్ సుందర్ అనే వ్యక్తి ఇంట్లోకి.. అర్ధరాత్రి ఓ గుర్తు తెలియని దుండగుడు చొరబడ్డాడు. మద్యం మత్తులో ఉన్న అతడిని.. ఇటుకతో కొట్టి హత్య చేశాడు. అది గమనించిన శ్యామ్ సుందర్ తల్లి.. భయంతో కేకలు వేయడంతో దుండగుడు అక్కడినుంచి పరారయ్యాడు.
కేసు నమోదు చేసుకున్నపోలీసులు.. దర్యాప్తు చేపట్టారు. శ్యామ్ సుందర్ హత్యకు బాగా పరిచయం ఉన్న వ్యక్తి కారణమై ఉంటాడని వారు అనుమానిస్తున్నారు. పాత కక్షలే కారణమా లేక వేరే ఏదైనా వ్యవహారంలో తేడా రావడం వల్ల అది హత్యకు దారితీసిందా అనే కోణంలో దర్యాప్తు జరుపుతున్నట్లు వెల్లడించారు.
ఇదీ చదవండి: కరోనా కాలంలో మహిళలపై పెరిగిన వేధింపులు
