టీఎస్‌ బీ-పాస్‌ ద్వారా మాత్రమే నిర్మాణాలకు అనుమతివ్వాలని... లేదంటే కఠినచర్యలుంటాయని పురపాలక మంత్రి కేటీఆర్ స్పష్టం చేశారు. ప్రతీ మున్సిపాల్టీలో వైకుంఠధామంతో పాటు సమీకృత మార్కెట్ ఉండేలా చర్యలు తీసుకోవాలని అధికారులను మంత్రి ఆదేశించారు. మానవవ్యర్థాల శుద్ధీకరణ ప్లాంట్‌ ఏర్పాటుతో పాటు వంద శాతం అన్ని ఇళ్లకు రూపాయికే నల్లా కనెక్షన్ ఇవ్వాలని అన్నారు. హనుమకొండ, వరంగల్ జిల్లా అభివృద్ధిపై నిర్వహించిన సమీక్షా సమావేశంలో అధికారులకు పురపాలక మంత్రి కేటీఆర్ దిశానిర్దేశం చేశారు.
అన్ని పట్టణాల్లో మాస్టర్ ప్లాన్ పూర్తి కావాలని కేటీఆర్ స్పష్టం చేశారు. డిజిటల్ డోర్ నంబరింగ్ ప్రక్రియ వేగవంతం చేయాలని చెప్పారు. ప్రతీ మున్సిపాల్టీలో వెజ్, నాన్ వెజ్ మార్కెట్ నిర్మించాలని తెలిపారు. గ్రీన్ బడ్జెట్ను సద్వినియోగం చేసుకోవాలని సూచించారు. ఆధునికమైన దోబీ ఘాట్ నిర్మాణం చేపట్టాలని అన్నారు. ఈ సమీక్షా సమావేశంలో మంత్రులు ఎర్రబెల్లి దయాకర్ రావు, సత్యవతి రాఠోడ్తో పాటు స్థానిక ఎమ్మెల్యేలు, ఎమ్మెల్సీలు, ప్రజాప్రతినిధులు, అధికారులు పాల్గొన్నారు.
ఇదీ చదవండి : 'కేంద్రంలో మోదీ గ్యాస్ ధర పెంచితే.. ఇక్కడ మేం తగ్గిస్తున్నాం'
అప్పటివరకు పెళ్లిలో సరదా సరదాగా.. కాసేపటికే ఆరుగురు శవాలై...
