హన్మకొండకు చెందిన కాముని మౌనిక ఎంబీఏ పూర్తి చేసింది. కుటుంబ ఆర్థిక పరిస్థితుల నేపథ్యంలో తనకు సాయం అందించాల్సిందిగా ఎమ్మెల్యే వినయ్భాస్కర్ను కలిసి విజ్ఞప్తి చేసింది. వెంటనే స్పందించిన వినయ్భాస్కర్ యువతికి స్వయం ఉపాధి కల్పించడం మేలని భావించి విజయ డైరీ ప్రొడక్ట్స్ స్టాల్ ఏర్పాటు చేయించారు.
స్టాల్ ఏర్పాటుకు అయ్యే మొత్తం వ్యయాన్ని వినయ భాస్కర్ వ్యక్తిగతంగా అందజేశారు. గాంధీ జయంతి సందర్భంగా మెఫ్మా ఆధ్వర్యంలో హన్మకొండలో ప్రారంభించిన స్ట్రీట్ వెండింగ్ జోన్ ప్రారంభ కార్యక్రమంలో మేయర్, మున్సిపల్ కమిషనర్ చేతుల మీదుగా స్టాల్ను ప్రారంభింపజేశారు. వినయ్ భాస్కర్ అందించిన చేయూతకు మౌనిక ధన్యవాదాలు తెలిపింది.
