ధాన్యం కొనుగోలు కేంద్రాలు ప్రారంభించిన ఎమ్మెల్యే దాసరి

పెద్దపల్లి జిల్లా సుల్తానాబాద్​ మండలంలో ఎమ్మెల్యే దాసరి మనోహర్​రెడ్డి పర్యటించారు. మండలంలోని పలు గ్రామాల్లో సహకార సంఘాలు, ఐకేపీ ఆధ్వర్యంలో ఏర్పాటు చేసిన వరి ధాన్యం కొనుగోలు కేంద్రాలను ఆయన ప్రారంభించారు.

రైతు పండించిన ప్రతి ధాన్యం గింజను ప్రభుత్వం కొనుగోలు చేస్తుందని పెద్దపల్లి ఎమ్మెల్యే దాసరి మనోహర్​రెడ్డి అన్నారు. పెద్దపల్లి జిల్లా సుల్తానాబాద్​ మండలంలో దేవునిపల్లి, చిన్నకల్వల, రెబ్బల్​దేవపల్లి, మియాపూర్, చిన్నబొంకూర్, సుగ్లంపల్లి, శాస్త్రినగర్, కనుకుల, రామునిపల్లి, మంచిరామి, తొగర్రాయి, ఐతరాజుపల్లి గ్రామాల్లో సహకార సంఘాలు, ఐకేపీ ఆధ్వర్యంలో ఏర్పాటు చేసిన వరి ధాన్యం కొనుగోలు కేంద్రాలను ఎమ్మెల్యే ప్రారంభించారు.

ప్రత్యేక రాష్ట్రం ఏర్పడ్డాక సీఎం కేసీఆర్​ రైతుల సంక్షేమం కోసం అనేక పథకాలు అమలు చేస్తున్నారన్నారు. రైతులు తమ ధాన్యాన్ని దళారులకు అమ్మి మోసపోవద్దని.. కొనుగోలు కేంద్రాల్లోనే విక్రయించి మద్దతు ధరను పొందాలని ఎమ్మెల్యే దాసరి కోరారు.

ఇదీ చదవండి: తొలి మహిళా మైన్​ మేనేజర్​కు ఎమ్మెల్సీ కవిత అభినందన