హోలీ సందర్భంగా కుస్తీ పోటీలు

హోలీ పండుగ సందర్భంగా నిజామాబాద్ జిల్లా రెంజల్ మండలానికి చెందిన ధూపల్లిలో కుస్తీ పోటీలు నిర్వహించారు.

నిజామాబాద్ జిల్లాలోని రెంజల్ మండలం ధూపల్లిలో హోలీ సందర్భంగా స్థానిక యువకులకు కుస్తీ పోటీలు నిర్వహించారు. ఈ పోటీల్లో చుట్టుపక్కల గ్రామాల నుంచే కాక.. మహారాష్ట్ర నుంచి వచ్చిన మల్లయోధులు కూడా పాల్గొన్నారు. రెంజల్ మండలంలోని సాటాపూర్, ధూపల్లి, నీలా గ్రామాలలో సైతం కుస్తీ పోటీలు నిర్వహించారు.

ప్రతి సంవత్సరం హోలీ పండుగకు ముందురోజు కుస్తీ పోటీలు నిర్వహించడం ఆయా ప్రాంతాల్లో ఆచారంగా పాటిస్తున్నారు. ఈ కుస్తీ పోటీల్లో పాల్గొనడానికి యువకులు ఉత్సాహం చూపారు. పోటీల అనంతరం విజేతలకు బహుమతులు అందజేశారు.