కొవిడ్ వంటి కష్టకాలంలోనూ ప్రజా సంక్షేమంపై సీఎం కేసీఆర్ దృష్టి సారించారని మిర్యాలగూడ ఎమ్మెల్యే భాస్కర రావు అన్నారు. ఈ సంక్లిష్ట సమయంలోనూ సంక్షేమ పథకాలు అమలు చేస్తున్నారని కొనియాడారు. నల్గొండ జిల్లా మిర్యాలగూడ నియోజకవర్గంలో లబ్ధిదారులకు కల్యాణ లక్ష్మి, షాదీ ముబారక్ చెక్కులు అందజేశారు. మొత్తం 94 మంది లబ్ధిదారులకు చెక్కులు పంపిణీ చేశారు.
మరో విడతలో చెక్కులను లబ్ధిదారుల ఇంటికి వెళ్లి అందజేస్తామని ఎమ్మెల్యే తెలిపారు. కష్టకాలంలోనూ ఆడపిల్లల తండ్రికి అండగా నిలిచినందుకు సీఎం కేసీఆర్కు కృతజ్ఞతలు చెప్పారు.
