'క్రీడల అభివృద్ధి కోసం సర్కారు ప్రత్యేక పాలసీ'

ఖమ్మంలో హరిత టూరిజం భవన్, బీసీ భవన్​కు మంత్రులు శ్రీనివాస్​ గౌడ్​, అజయ్​కుమార్​ శంకుస్థాపన చేశారు. రామన్నపేటలో 5 ఎకారాల్లో ఏర్పాటు చేసిన తాటివనం, ఈతవనంను మంత్రులు ప్రారంభించారు. ఈ సందర్భంగా మంత్రులు నీరా రుచి చూశారు.

రాష్ట్రంలో క్రీడల అభివృద్ధి కోసం ప్రత్యేక పాలసీ తీసుకొచ్చేందుకు ప్రభుత్వం సంకల్పిస్తోందని మంత్రి శ్రీనివాస్ గౌడ్ తెలిపారు. క్రీడల అభివృద్ధిపై ప్రభుత్వం ప్రత్యేక ప్రణాళికలతో ముందుకెళ్తుందన్నారు. ఖమ్మంలో మంత్రి పువ్వాడ అజయ్​తో కలిసి పలు అభివృద్ధి కార్యక్రమాల శంకుస్థాపనలు చేశారు. ఖమ్మంలో హరిత టూరిజం భవన్, బీసీ భవన్​కు శంకుస్థాపన చేశారు.

సర్ధార్ పటేల్ మైదానంలో క్రికెట్ ట్రోఫీ, సింథటిక్ స్కేటింగ్ ప్రారంభించారు. రాష్ట్రం ఆవిర్భావం తర్వాత తొలి ఆరేళ్లు ముఖ్యమంత్రి కేసీఆర్ అభివృద్ధి, సంక్షేమ రంగాలపై దృష్టి సారించి అన్నివర్గాల్లో వెలుగులు నింపారన్నారు. తెలంగాణను పర్యాటక హబ్​గా చేసేందుకు పనిచేస్తున్నామన్నారు.

హైదరాబాద్ ట్యాంక్​బండ్​పై రూ.10 కోట్ల విలువైన స్థలంలో రూ. 8 కోట్లతో నీరా కేఫ్ ఏర్పాటు చేస్తున్నట్లు తెలిపారు. ఖమ్మం అర్బన్ మండలం రామన్నపేటలో 5 ఎకారాల్లో ఏర్పాటు చేసిన తాటివనం, ఈతవనంను మంత్రులు ప్రారంభించారు. అక్కడ తాటి, ఈత మొక్కలు నాటారు. ఈ సందర్భంగా మంత్రులు నీరా రుచి చూశారు. ప్రజాప్రతినిధులు, అధికారులంతా నీరా రుచి చూసి బాగుందంటూ మాట్లాడుకున్నారు.

ఇదీ చూడండి:రేపు 'ఛలో జనగామ'కు బండి సంజయ్​ పిలుపు