గుంటూరు జిల్లా సత్తెనపల్లి ఎమ్మెల్యే అంబటి రాంబాబు కరోనా బారిన పడ్డారు. ఈ విషయాన్ని ఆయనే వీడియో ద్వారా బుధవారం వెల్లడించారు. అనారోగ్యంతో ఆస్పత్రికి వెళ్లి పరీక్ష చేయించుకోగా కరోనా పాజిటివ్ రిపోర్డు వచ్చిందని ఆయన పేర్కొన్నారు.
బుధవారం ఉదయం తనకు పాజిటివ్ వచ్చిన విషయం తెలిసిందని వైకాపా ఎమ్మెల్యే అంబటి రాంబాబు అన్నారు. జలుబు, జ్వరం లక్షణాలు కనిపించకపోయినా.. పాజిటివ్ రావటం ఆశ్ఛర్యంగా ఉందన్నారు. ప్రస్తుతం తన ఆరోగ్యం బాగానే ఉందని.. పాజిటివ్ వచ్చిందని తెలియగానే హోం క్వాంరటైన్కు వెళ్లినట్లు తెలిపారు. చాలామంది పార్టీ కార్యకర్తలు అభిమానులు ఫోన్లు చేస్తున్నారని... అందరి అభిమానంతో త్వరలోనే కోలుకుంటానని తెలిపాారు.
ప్రస్తుతం గుంటూరు జిల్లాలో ముగ్గురు వైకాపా ఎమ్మెల్యేలు కరోనా బారిన పడ్డారు. కొద్ది రోజులు క్రితం కరోనా బారిన పడిన ఎమ్మెల్యే కిలారి రోశయ్య కోలుకున్నారు. తెనాలి ఎమ్మెల్యే అన్నాబత్తుని శివ కుమార్ హోం క్వాంరటైన్లో ఉంటూ చికిత్స పొందుతున్నారు.
ఇదీ చదవండి: చీరాల దళిత యువకుడు మృతి....దర్యాప్తునకు ప్రభుత్వం ఆదేశం
