వారిద్దరూ ప్రేమించుకున్నారు. పెళ్లికి పెద్దలు అంగీకరించలేదు. యువకునికి వేరే యువతితో పెళ్లి చేసేందుకు సిద్ధమయ్యారు. విషయం తెలుసుకున్న ప్రేమికురాలు.. సరిగ్గా వివాహ సమయానికి అక్కడికి చేరుకుని నిలిపి వేయించింది. ఈ ఘటనకు ఆంధ్రప్రదేశ్ తూర్పు గోదావరి జిల్లా మాలకొండలోని లక్ష్మీనృసింహుని దేవస్థానం వేదికైంది.
తూర్పు గోదావరి జిల్లా రాజమహేంద్రవరానికి చెందిన మహేశ్ అనే యువకుడు.. అదే నగరానికి చెందిన ఓ యువతి కొద్ది సంవత్సరాలుగా ప్రేమించుకుంటున్నారు. ఈ విషయం తెలుసుకున్న యువకుని తల్లిదండ్రులు పెళ్లికి నిరాకరించారు. ఈ క్రమంలో అతనికి కనిగిరికి చెందిన ఓ యువతితో వివాహం చేసేందుకు నిశ్చయించారు. వలేటివారిపాలెం మండలంలోని మాలకొండ దేవస్థానంలో వివాహానికి శనివారం ఏర్పాట్లు చేశారు. ఈ మేరకు వధూవరుల బంధుమిత్రులు ఆలయానికి చేరుకున్నారు.
మరికొద్ది గంటల్లో పెళ్లి ప్రక్రియ ప్రారంభం అవుతుందనగా.. ప్రియురాలు అక్కడకు చేరుకుంది. తన బంధువులు, స్థానిక పోలీసులతో కలిసి వివాహాన్ని అడ్డుకుంది. తనను ప్రేమించి వేరొకరితో పెళ్లికి సిద్ధమైనట్టు పెళ్లి కుమారుడిపై పోలీసులకు ఫిర్యాదు చేసింది. పోలీసులు పెళ్లి ప్రక్రియను నిలిపి వేయించారు. అనంతరం యువతి తెలిపిన మేరకు ఫిర్యాదు నమోదు చేసి రాజమహేంద్రవరం పోలీస్‌ స్టేషన్‌కు బదలాయించారు.
ఇదీ చదవండి: suicide: ప్రియుడి చావు రోజే.. ప్రియురాలి నిశ్చితార్థం
