Check Posts : వారాంతపు సెలవులు.. చెక్​పోస్ట్​ల వద్ద వాహనాల బారులు

వారాంతపు సెలవులు కావడంతో ఏపీలోని కృష్ణా జిల్లా జగ్గయ్యపేట సమీపంలోని గరికపాడు చెక్​పోస్ట్​కు వాహనాల తాకిడి పెరిగింది. పోలీసులు ఈ-పాస్​ లేని వాహనాలను వెనక్కి పంపిస్తున్నారు.

ఏపీలోని కృష్ణా జిల్లా జాతీయ రహదారిపై జగ్గయ్యపేట సమీపంలోని గరికపాడు - రామాపురం క్రాస్​రోడ్డు వద్ద.. ఈ రోజు వాహనాల తాకిడి గణనీయంగా పెరిగింది. వారాంతం కావడంతో హైదరాబాద్ వెళ్లే వాహనాల సంఖ్య నాలుగైదు రెట్లు పెరిగింది.

రోజు వారీ అమలు అవుతున్న ఈ- పాస్ నిబంధనల కారణంగా తనిఖీల కోసం పెద్ద సంఖ్యలో వాహనాలు బారులు తీరి నిలిచిపోయాయి. ఈ-పాస్ లేకుండా తెలంగాణలోకి అనుమతించని కారణంగా ఎక్కువ వాహనాలు అక్కడి నుంచి వెనుతిరగాల్సి వచ్చింది.

• ఇదీ చదవండి : Free Ration: ప్రారంభమైన ఉచిత రేషన్ బియ్యం పంపిణీ