Suicide Attempt At Pragathi Bhavan: ప్రభుత్వం ఉద్యోగాలను భర్తీ చేయాలంటూ ఓ యువకుడు ప్రగతిభవన్ వద్ద హల్చల్ చేశాడు. ఉద్యోగాల భర్తీలో ప్రభుత్వ నిర్లక్ష్య వైఖరికి నిరసన తెలుపుతూ ఆత్మహత్యకు యత్నించాడు. సూర్యాపేట జిల్లాకు చెందిన దివ్యాంగుడు నాగరాజు.. ప్రగతిభవన్ వద్దకు వచ్చి ప్రభుత్వ ఉద్యోగాలను వెంటనే భర్తీ చేయాలని నినాదాలు చేశాడు. ఈ క్రమంలోనే ఒంటిపై పెట్రోల్ పోసుకొని నిప్పంటించుకుంటానని బెదిరించాడు. అక్కడ విధుల్లో ఉన్న పోలీసులు అప్రమత్తమై.. వెంటనే నాగరాజును అడ్డుకున్నారు. నచ్చజెప్పేందుకు ప్రయత్నించిన వినకపోవటంతో.. నాగరాజును అదుపులోకి తీసుకుని పంజాగుట్ట పోలీస్స్టేషన్కు తరలించారు.
మరోవైపు.. ప్రగతిభవన్లో కేబినేట్ భేటీ జరుగుతోంది. సీఎం కేసీఆర్ అధ్యక్షన మంత్రివర్గ సమావేశం జరుగుతుండగా.. ఇలా జరగటంతో ప్రగతిభవన్ వద్ద కొద్దిసేపు ఉద్రిక్తత చోటు చేసుకుంది. యువకుడి హల్చల్తో.. రోడ్డుపై కాసేపు ట్రాఫిక్జామ్ అయ్యింది. పోలీసులు యువకుడిని అక్కడి నుంచి తరలించి.. ట్రాఫిక్ను క్లియర్ చేశారు.
ఇవీ చూడండి:
