ఏపీలోని నెల్లూరు జిల్లా కృష్ణపట్నం ఆనందయ్య ఔషధాన్ని తితిదే ఆధ్వర్యంలో తయారు చేసే అంశంపై తితిదే ఛైర్మన్, సీఎం జగన్తో చర్చిస్తానని తుడా ఛైర్మన్ చెవిరెడ్డి భాస్కర్ రెడ్డి అన్నారు. తిరుపతిలోని తుడా కార్యాలయంలో కొవిడ్ పరిస్థితులపై అధికారులతో సమీక్ష సమావేశాన్ని నిర్వహించారు. చంద్రగిరి నియోజకవర్గంలోని నాలుగు మండలాల్లో కరోనా మహమ్మారి విజృంభిస్తున్న పంచాయతీల్లో సంపూర్ణ లాక్డౌన్ను అమలు చేస్తామని తెలిపారు.
ఆనందయ్య ఔషధాన్ని ఆయుర్వేద మందుగా రాష్ట్ర ప్రభుత్వం గుర్తించని కారణంగా తితిదే ఆయుర్వేద ఫార్మసీలో తయారు చేసేందుకు అనుమతులు ఉండవన్నారు. అయితే ప్రజల్లో ఉన్న డిమాండ్ను దృష్టిలో ఉంచుకుని...తితిదే ఛైర్మన్ వైవీ సుబ్బారెడ్డితో చర్చించిన అనంతరం..సీఎం జగన్ దృష్టికి ఈ అంశాన్ని తీసుకువెళ్లనున్నట్లు చెవిరెడ్డి భాస్కర్ రెడ్డి స్పష్టం చేశారు.
