మహబూబ్‌నగర్‌ జిల్లా రాజాపూర్ మండలం తిర్మలాపూర్‌లో గుర్రం నర్సింహులును ఇసుక మాఫియానే హత్యచేసిందని తెదేపా రాష్ట్ర అధ్యక్షుడు ఎల్‌.రమణ ఆరోపించారు. రాష్ట్రంలో ఇసుక మాఫియా చెలరేగిపోతోందని, దానిని అడ్డుకునేందుకు యత్నించడం వల్లనే హత్య జరిగిందన్నారు.
మృతుడి కుటుంబ సభ్యులు ఆందోళన చేయడంతోనే ప్రమాదంగా పోలీసులు కేసు నమోదు చేశారన్నారు. నేరెళ్లలో ఇసుక మాఫియా పెట్రేగిపోయినట్లుగానే.. ఇక్కడ కూడా జరుగుతోందని మండిపడ్డారు. నర్సింహులు కుటుంబాన్ని రాష్ట్ర ప్రభుత్వం ఆదుకోవాలని రమణ డిమాండ్‌ చేశారు.
ఇవీచూడండి: ఇసుక మాఫియా వెనక ఎంత పెద్ద అండ ఉందో అర్థమవుతోంది: చాడ
