సీఎం డెడ్​లైన్​... భవిష్యత్​ కార్యాచరణపై ఐకాస చర్చలు

విధుల్లో చేరేందుకు ప్రభుత్వం గడువు ఇచ్చిన నేపథ్యంలో భవిష్యత్ కార్యాచరణపై విపక్షనేతలు, ప్రజాసంఘాలతో ఆర్టీసీ ఐకాస సమావేశమైంది. ఆర్టీసీ కార్మికుల్లో ఆత్మస్థైర్యం నింపడంతో పాటు, భరోసా కల్పించాలని నిర్ణయించింది.

ఆర్టీసీ కార్మికులు విధుల్లో చేరేందుకు ముఖ్యమంత్రి కేసీఆర్ అవకాశం కల్పించిన గడువు ఈరోజుతో ముగిసిపోతుంది. ఈ నేపథ్యంలో ఆర్టీసీ కార్మికుల్లో ఆత్మస్థైర్యం నింపడంతో పాటు, కార్మికుల ఉద్యోగాలు ఎక్కడికి పోవనే భరోసాను కల్పించాలని ఆర్టీసీ ఐకాస నిర్ణయించింది. విపక్షనేతలు, ప్రజాసంఘాలతో విద్యానగర్​లోని ఎంప్లాయిస్ యూనియన్ కార్యాలయంలో ఆర్టీసీ ఐకాస సమావేశమైంది.

చర్చిస్తున్న అంశాలు:

1. ఆర్టీసీ సమ్మెపై కార్మికుల్లో ఎలాంటి చర్చ జరుగుతుంది
2. అభద్రతాభావంతో ఉన్నవారికి ధైర్యాన్ని నింపడం
3. కార్మికుల్లో భిన్నాభిప్రాయాలు ఉంటే వాటిని నివృత్తి చేయడం
4. కార్మికులతో మేమంతా ఉన్నామని భరోసా కల్పించడం
5. ఈనెల 7 న కోర్టు​లో చర్చకు వచ్చే అంశాలు
6. భవిష్యత్ కార్యాచరణపై విపక్షాలు, ప్రజాసంఘాలు, ట్రేడ్ యూనియన్లను భాగస్వామ్యం చేసే అంశం

ఆర్టీసీ అధికారులపై జరిగిన దాడులకు కార్మికులకు ఎటువంటి సంబంధం లేదని ఆర్టీ​సీ ఐకాస పేర్కొంది. అధికారులపై దాడులను ఖండించింది.