ఫుట్బాల్ ఆడుతూ వినూత్న నిరసన
టీఆర్టీ, ఎస్జీటీ ఫలితాలు ప్రకటించి పోస్టింగ్ ఇవ్వాలని అభ్యర్థులు డిమాండ్ చేశారు. ముఖ్యమంత్రి కేసీఆర్ దృష్టికి తీసుకెళ్లడానికి ప్రగతి భవన్కు వెళ్తే తమను పోలీసులు అరెస్ట్ చేయడాన్ని వారు ఖండించారు. హైకోర్టు ఉత్తర్వుల ప్రకారం సెప్టెంబర్ 30వ తేదీ లోపు టీఆర్టీ-2017, ఎస్జీటీ ఫలితాలు ప్రకటించాలని టీఎస్పీఎస్సీకి తెలియజేసిందన్నారు. కానీ నేటి వరకు కమిషన్ నుంచి ఎలాంటి స్పందన రానందున... ఎస్జీటీ అభ్యర్థులందరూ ప్రగతి భవన్ను ముట్టడించామని తెలిపారు. అభ్యర్థులను అరెస్టు చేసి గోషామహల్ స్టేడియంకు తరలించారు. వారు అక్కడ వినూత్నంగా నిరసన తెలిపారు. తమను ప్రభుత్వం ఫుట్బాల్లాగా ఆడుకుంటోందని... అభ్యర్థులు ఫుట్బాల్ ఆడుతూ నిరసన తెలిపారు.
ఇవీ చూడండి: తెరాస, భాజపా పార్టీలు తోడు దొంగలే: పొన్నం ప్రభాకర్
