1.రేపు వరంగల్కు కేటీఆర్...
వరంగల్ మహానగరంలో మంత్రి కేటీఆర్ రేపు పర్యటించనున్నారు. పలు అభివృద్ధి పనులకు శంకుస్థాపన చేయనున్నారు. ఇందుకు సంబంధించి అధికారులు అన్ని ఏర్పాట్లు చేశారు. మంత్రి ఎర్రబెల్లి ఏర్పాట్లను పరిశీలించారు. రాష్ట్రంలో త్వరలోనే పుర పోరుకు నగారా మోగనున్న నేపథ్యంలో.. కేటీఆర్ పర్యటన ప్రాధాన్యం సంతరించుకుంది. పూర్తి వివరాల కోసం క్లిక్ చేయండి.
2. నా బిడ్డను ఆదుకోండి...
విద్యుత్ అధికారుల నిర్లక్ష్యం వల్ల స్నేహితులతో ఆడుకోవాల్సిన ఎనిమిదేళ్ల బాలుడు ఆస్పత్రి పడకపై ప్రాణాల కోసం పోరాడుతున్నాడు. ఓ అపార్టుమెంట్ వద్ద ఉన్న ట్రాన్స్ఫార్మర్కు సరైన రక్షణ చర్యలు తీసుకోకపోవడం వల్ల.. దాన్ని ప్రమాదవశాత్తు తాకిన బాలుడు ఆస్పత్రి పాలయ్యాడు. తన బిడ్డను రక్షించుకునేందుకు ఆ బాలుడు తల్లి దాతల సాయం కోసం వేడుకొంది. ఈ ఘటనపై ట్విట్టర్ వేదికగా స్పందించిన మంత్రి కేటీఆర్.. బాధిత కుటుంబాన్ని ఆదుకోవాలని తన కార్యాలయ సిబ్బందిని ఆదేశించారు. పూర్తి వివరాల కోసం క్లిక్ చేయండి.
3. నగ్న వీడియో కాల్స్తో వల...
డేటింగ్ యాప్లో పరిచమైన యువతితో ఓ యువకుడు నగ్నంగా వీడియో కాల్స్ మాట్లాడాడు. ఇదే అదునుగా భావించిన యువతి దానిని స్క్రీన్ రికార్డ్ చేసింది. అనంతరం డబ్బులు ఇవ్వాలని... లేకుంటే వీటిని సామాజిక మాధ్యమాల్లో పెడతానని బ్లాక్మెయిల్ చేసింది. ఈ ఘటన పేట్బషీరాబాద్లో చోటు చేసుకుంది. పూర్తి వివరాల కోసం క్లిక్ చేయండి.
4. జోరుగా టీకా ఉత్సవ్...
అర్హులైన వారందరికీ టీకా అందించడమే లక్ష్యంగా ప్రధాన మంత్రి నరేంద్ర మోదీ చేపట్టిన 'టీకా ఉత్సవ్' కార్యక్రమం దేశవ్యాప్తంగా జోరుగా సాగుతోంది. టీకా తీసుకునేందుకు వ్యాక్సినేషన్ కేంద్రాల వద్ద జనం బారులు తీరుతున్నారు. పలు రాష్ట్రాల్లో టీకా పంపిణీ కేంద్రాలను ఆకర్షణీయంగా ముస్తాబు చేశారు. పూర్తి వివరాల కోసం క్లిక్ చేయండి.
5. సొంతూళ్లకు వలస కూలీలు...
కరోనా విజృంభిస్తున్న వేళ మహమ్మారిని అరికట్టేందుకు కఠిన ఆంక్షలు విధించే అవకాశం ఉందని మహారాష్ట్ర ముఖ్యమంత్రి ఉద్ధవ్ ఠాక్రే హెచ్చరించారు. ఈ నేపథ్యంలో రాష్ట్రంలో మళ్లీ లాక్డౌన్ ప్రకటించే అవకాశం ఉండొచ్చన్న సంకేతాలు.. వలస కూలీలను కలవరపెడుతున్నాయి. ఈ క్రమంలో సొంతూళ్లకు వెళ్లేందుకు ముంబయిలోని లోకమాన్య తిలక్ టెర్మినస్తో పాటు, ఔరంగాబాద్ రైల్వేస్టేషన్కు వలస కూలీలు పోటెత్తారు. పూర్తి వివరాల కోసం క్లిక్ చేయండి.
6. అమిత్షా భారీ రోడ్ షో...
బంగాల్లో ఐదో దఫా ఎన్నికల ప్రచారంలో భాగంగా నదియా జిల్లాలోని శాంతిపుర్ పట్టణంలో రోడ్ షో నిర్వహించారు కేంద్ర హోం మంత్రి అమిత్ షా. ఈ కార్యక్రమానికి పెద్ద సంఖ్యలో ప్రజలు హాజరయ్యారు. పూర్తి వివరాల కోసం క్లిక్ చేయండి.
7. మా వ్యాక్సిన్లకు అంతలేదు...
తమ దేశ వ్యాక్సిన్లు నాసిరకంగా ఉన్నట్లు చైనా ఒప్పుకుంది. అన్ని టీకాలను కలిపి వినియోగించటం ద్వారా టీకా సామర్థ్యం పెంచాలని ప్రభుత్వ యోచిస్తున్నట్లు చైనా వైరస్‌ నియంత్రణ కేంద్రాల డైరెక్టర్ గోవ్‌ ఫూ చెప్పారు. పూర్తి వివరాల కోసం క్లిక్ చేయండి.
8. టాప్ స్మార్ట్ఫోన్లు ఇవే...
ఈ ఏడాది జనవరిలో అత్యధికంగా అమ్ముడైన స్మార్ట్ఫోన్ జాబితాలో యాపిల్ ఐఫోన్-12 నిలిచింది. 5జీ సాంకేతికతతో పాటు.. ఐఫోన్-11కి అప్డేట్ వెర్షన్గా తయారైన మోడల్ అయినందున వినియోగదారులు ఆసక్తి చూపించారని కౌంటర్ పాయింట్ నివేదిక తెలిపింది. ఇక ఈ అమ్మకాలు అమెరికాలోనే అధికంగా నమోదయ్యయని పేర్కొంది. పూర్తి వివరాల కోసం క్లిక్ చేయండి.
9. డ్రెస్సింగ్ రూంలో డ్యాన్సులు...
చెన్నై సూపర్ కింగ్స్పై విజయం సాధించాక దిల్లీ క్యాపిటల్స్ డ్రెస్సింగ్ రూమ్లో ధావన్, పృథ్వీ షా ఉల్లాసంగా డ్యాన్స్ చేస్తూ కనిపించారు. ఈ వీడియోను ధావన్ సామాజిక మాధ్యమాల్లో పంచుకున్నాడు. పూర్తి వివరాల కోసం క్లిక్ చేయండి.
10. క్వారంటైన్లోకి వకీల్సాబ్...
ప్రముఖ సినీనటుడు, జనసేన పార్టీ అధ్యక్షుడు పవన్ కల్యాణ్ క్వారంటైన్లోకి వెళ్లారు. తన భద్రతా సిబ్బందితోపాటు వ్యక్తిగత సిబ్బందిలో ఎక్కువ మంది కరోనా బారినపడ్డారు. ముందు జాగ్రత్త చర్యల్లో భాగంగా, వైద్యుల సూచనల మేరకు పవన్ క్వారంటైన్లోకి వెళ్లారు. పూర్తి వివరాల కోసం క్లిక్ చేయండి.
