లాక్డౌన్ కారణంగా నెదర్లాండ్స్లో 140 మంది తెలుగు ప్రజలు చిక్కుకున్నారు. ఇక్కడి తెలుగు ప్రజలు వివిధ కారణాలతో ఇబ్బందులు పడుతున్నారు. స్వదేశానికి తిరిగి వెళ్లలేక చిక్కుకుపోయిన వారికి నెదర్లాండ్స్ తెలుగు కమ్యూనిటీ మద్దతుగా నిలుస్తోంది. వారిని స్వస్థలాలకు పంపే ఏర్పాట్ల కోసం భారత రాయబార కార్యాలయం సంప్రదిస్తున్నట్టు సంఘం నిర్వాహకులు చెబుతున్నారు.
స్వదేశానికి తీసుకువచ్చేందుకు తెలుగు రాష్ట్రాల ప్రభుత్వా మద్దతు చాలా అవసరమని ఎన్ఎల్టీసీ సీఈవో గుమ్మడి పవన్ తెలిపారు. ఈ మేరకు ఏపీ ముఖ్యమంత్రి జగన్మోహన్ రెడ్డి, తెలంగాణ సీఈవో సోమేష్ కుమార్కు లేఖలు పంపినట్టు సంఘం తరఫున దౌత్య వ్యవహారాలు పర్యవేక్షించే శ్రీనాథ్ పరాంకుశం వెల్లడించారు. దేశం కానీ దేశంలో చిక్కుకున్న తెలుగు ప్రజలను తీసుకువచ్చేందుకు సహకరించాలని విదేశీ వ్యవహారాల మంత్రిత్వశాఖ డీజీసీఏ అధికారులకు విజ్ఞప్తి చేశారు. తెలుగు రాష్ట్రాల్లో విమానం దిగేందుకు అనుమతు కావాల్సి ఉందని సంఘం సభ్యుడు వెంకట్రాజు చెప్పారు.
ఇవీ చూడండి: రాష్ట్రంలో పెరిగిపోయిన రిజిస్ట్రేషన్ల స్లాట్ బుకింగ్
