'ప్రజలు ఇబ్బంది పడుతున్నారు... పరిష్కారం చూపండి'

ఆర్టీసీ సమ్మె వల్ల.. ప్రజలు తీవ్ర ఇబ్బందులు పడుతున్నారని సగటు ప్రయాణికుడు ఆవేదన వ్యక్తం చేశాడు. ప్రయాణికుల అవస్థలపై హైదరాబాద్​ ఎర్రగడ్డలో జరిగిన ఓసమావేశంలో ప్రభుత్వానికి రాష్ట్ర పౌరులు (కామన్​మ్యాన్​) పలు వినతులు చేశారు.

ఆర్టీసీ కార్మికులు చేస్తున్న సమ్మె వల్ల.. ప్రజలు తీవ్ర ఇబ్బందులకు గురౌతున్నట్లు సగటు ప్రయాణికుడు ఆవేదన వ్యక్తం చేశాడు. తమను పట్టించుకునే నాథుడే లేడని వాపోయాడు. హైకోర్టు జోక్యం చేసుకొని ఈ సమస్యకు తక్షణమే పరిష్కారం చూపించాలని నగర పౌరుడు తుమ్మల సత్యప్రసాద్ కోరాడు. ప్రయాణికుల అవస్థలపై ఎర్రగడ్డలో జరిగిన ఓసమావేశంలో ప్రభుత్వానికి రాష్ట్ర పౌరులు (కామన్​మ్యాన్​) పలు వినతులు చేశారు. కొన్నివారాలుగా సమ్మె జరుగుతోందని... దీనివల్ల రాష్ట్ర ఆర్థిక వ్యవస్థకు ఎంతో నష్టం జరిగిందని తుమ్మల సత్యప్రసాద్ తెలిపారు. ప్రభుత్వం, కార్మికులు పంతాలకు పోకుండా తక్షణమే ఓ పరిష్కారానికి రావాలని సూచించాడు.