భారీ వర్షాలతో అతలాకుతలమైన భాగ్యనగర ప్రజలకు తెలంగాణ సర్కార్ అండగా నిలుస్తోంది. వరద బాధితులకు రూ.10వేలు అందిస్తూ ఆదుకుంటోంది. కూకట్పల్లి నియోజకవర్గంలోని కైతలాపూర్లో జీహెచ్ఎంసీ అధికారులతో కలిసి నగదు పంపిణీ చేశారు. మొత్తం 83 మంది లబ్ధిదారులకు నగదు అందజేసినట్లు ఎమ్మెల్యే మాధవరం కృష్ణారావు తెలిపారు. అనంతరం బాధితులకు నిత్యావసర సరకులను పంపిణీ చేసినట్లు వెల్లడించారు.
విపత్కర పరిస్థితుల్లో ప్రజలను ఆర్థికంగా ఆదుకున్న పార్టీ కేవలం తెరాసయేనని కృష్ణారావు అన్నారు. పేద ప్రజలకు ఆపన్నహస్తం అందించడంలో తెలంగాణ ప్రభుత్వం ఎల్లవేళలా ముందుంటుందని తెలిపారు.
- ఇదీ చదవండి వారి దురాశ.. కుటుంబ సభ్యులకు కన్నీటి గోస..
