కేంద్ర హోంమంత్రి అమిత్షాతో కేసీఆర్ భేటీ
మూడు రోజుల పర్యటనలో భాగంగా దిల్లీ వెళ్లిన ముఖ్యమంత్రి కేసీఆర్ కేంద్ర హోంశాఖ మంత్రి అమిత్షాతో భేటీ అయ్యారు. దాదాపు 40 నిమిషాల పాటు సాగిన ఈ సమావేశంలో రాష్ట్రంలో శాంతి భద్రతలు సహా పలు అంశాలపై చర్చించారు. సాయంత్రం 4.30 గంటలకు కేసీఆర్ ప్రధాని మోదీతో భేటీ కానున్నారు. గోదావరి - కృష్ణా నదుల అనుసంధానానికి కేంద్రం తోడ్పాటు, కాళేశ్వరం ప్రాజెక్టుకు జాతీయ హోదా, 15వ ఆర్థిక సంఘానికి సంబంధించిన అంశాలపై ప్రధానితో చర్చించనున్నారు. రిజర్వేషన్ల పెంపు, విభజన చట్టం హామీలు వంటి పెండింగ్ అంశాలు ప్రస్తావించనున్నట్లు సమాచారం.
