'ప్రతీ నిరుపేదకి ఇల్లు వచ్చేంతవరకు తెదేపా పోరాడుతుంది'

రెండు పడక గదుల ఇళ్ల నిర్మాణంలో జాప్యానికి నిరసనగా ఇందిరాపార్క్​ వద్ద తెలుగుదేశం ఆధ్వర్యంలో మహాధర్నా నిర్వహించారు. ఇళ్ల కేటాయింపుల్లో అక్రమాలు చోటుచేసుకుంటున్నాయని ఎల్​.రమణ ఆరోపించారు. ప్రతి పేద బిడ్డకు రెండు పడక గదుల ఇళ్లు వచ్చేంత వరకు తెదేపా తరఫున పోరాటం చేస్తామని తెలిపారు.

రాష్ట్రంలో రెండు పడక గదులు ఇళ్ల నిర్మాణంలో జాప్యానికి నిరసనగా తెలుగుదేశం మహాధర్నా నిర్వహించింది. హైదరాబాద్​ ఇందిరా పార్కులోని ధర్నాచౌక్​ ఇందుకు వేదికైంది. ఈ కార్యక్రమానికి తెతెదేపా అధ్యక్షుడు ఎల్​.రమణ, సీనియర్​ నేత రావుల చంద్రశేఖర్​రెడ్డి, ఎమ్మెల్యే మెచ్చా నాగేశ్వరరావు, ఇతర నేతలు, కార్యకర్తలు హాజరయ్యారు. ఇళ్ల కేటాయింపుల్లో అక్రమాలు జరుగుతున్నాయని ఎల్​.రమణ ఆరోపించారు. నాసిరకమైన నిర్మాణాలతో లబ్ధిదారులు అవస్థలు పడుతున్నారన్నారు. హామీల అమల్లో రాష్ట్ర ప్రభుత్వం విఫలమైందన్నారు. రాష్ట్రంలో పేదవారందరికి ఇళ్ల కేటాయింపులు చేసేంత వరకు పోరాడతామని హామీ ఇచ్చారు.

ఇవీ చూడండి: 'ఇందిరాపార్కు వద్ద తెదేపా మహాధర్నా'