జైలు నుంచి విడుదలైన తెదేపా నేత ధూళిపాళ్ల

ఏపీలోని తూర్పుగోదావరి జిల్లా రాజమహేంద్రవరం జైలు నుంచి తెదేపా నేత ధూళిపాళ్ల నరేంద్ర విడుదలయ్యారు. ఆయనతో పాటు సంగం డెయిరీ ఎండీ గోపాలకృష్ణన్‌ కూడా విడుదలయ్యారు.

సంగం డెయిరీ ఛైర్మన్‌, తెదేపా నేత ధూళిపాళ్ల నరేంద్ర, డెయిరీ ఎండీ గోపాలకృష్ణన్‌ రాజమహేంద్రవరం జైలు నుంచి విడుదలయ్యారు. సంగం డెయిరీ కేసులో అరెస్టయిన వీరిద్దరికీ సోమవారం.. హైకోర్టు బెయిల్‌ మంజూరు చేసింది.

4 వారాల పాటు విజయవాడ మున్సిపల్ పరిధిలోనే ఉండాలని.. నివాసముంటున్న స్థలం చిరునామాను విచారణాధికారికి ఇవ్వాలని రాష్ట్ర ఉన్నత న్యాయస్థానం సూచించింది. ధూళిపాళ్లను విచారించాలంటే 24 గంటల ముందు నోటీసు ఇవ్వాలని విచారణాధికారికి హైకోర్టు స్పష్టం చేసింది.

ఇవీచూడండి: విశాఖ హెచ్‌పీసీఎల్‌లో భారీ అగ్నిప్రమాదం.. అదుపులోకి మంటలు