దిల్లీ యూనివర్సిటీలో చదువుతూ ఆర్థిక ఇబ్బందులతో తెలంగాణ విద్యార్థిని ఐశ్వర్య ఆత్మహత్య ఘటనపై ఎన్ఎస్‌యూఐ, దిల్లీ తెలుగు స్టూడెంట్స్ అసోషియేషన్.. కేంద్రమంత్రి రమేశ్ పొక్రియాల్ ఇంటి ఎదుట నిరసన చేపట్టారు. విద్యార్థులకు స్కాలర్షిప్లు విడుదల చేయకపోవడమే ఐశ్వర్య ఆత్మహత్యకు పాల్పడిందని, ఆమె కుటుంబానికి రూ.20 లక్షల ఎక్స్గ్రేషియా చెల్లించాలని డిమాండ్ చేశారు. ఆందోళన చేస్తున్న విద్యార్థులను పోలీసులు అరెస్టు చేసి, స్టేషన్కు తరలించారు.
ఫరూఖ్‌నగర్‌కు చెందిన ఐశ్వర్య(19) మెకానిక్‌గా పనిచేసే శ్రీనివాస్‌రెడ్డి, సుమతిల కుమార్తె. ఈ అమ్మాయి దిల్లీలో డిగ్రీ ద్వితీయ సంవత్సరం చదువుతోంది. కరోనా నేపథ్యంలో ఇటీవల ఇంటికి వచ్చిన ఆమెకు ఓ సందేశం అందింది.. దిల్లీ వసతి గృహం నుంచి ఖాళీ చేయాలనేది దాని సారాంశం. అక్కడ ఖాళీ చేసి మరోచోట ఉండాలంటే డబ్బు కావాలి. కుటుంబ పరిస్థితులు దారుణంగా ఉన్నాయి.
అసలేం జరిగింది..
ఈ నేపథ్యంలో అప్పుల కోసం, ఆర్థిక సహాయం కోసం ఆ తల్లిదండ్రులు చేయని ప్రయత్నం లేదు. ఇదే సమయానికి తండ్రికి కామెర్ల బారిన పడడం వల్ల అదనపు ఖర్చులు వేధించాయి. కుటుంబంలో పూట గడవని పరిస్థితి తలెత్తింది.. దీంతో మనస్తాపం చెంది ఆత్మహత్య చేసుకుంది.
ఇదీ చూడండి: విద్యార్థిని ఆత్మహత్య... ఆర్థిక పరిస్థితులే కారణం
