Special RTC buses for tomorrow match: ఉప్పల్లో ఆస్ట్రేలియా-భారత్ మధ్య జరిగే టీ-20 క్రికెట్ మ్యాచ్ సందర్బంగా ఆర్టీసీ ప్రత్యేక బస్సులను నడిపిస్తుందని గ్రేటర్ హైదరాబాద్ జోన్ ఈడీ యాదగిరి ఒక ప్రకటనలో పేర్కొన్నారు. ఆదివారం మధ్యాహ్నం 2 గంటల నుంచి ప్రత్యేక ఆర్టీసీ బస్సులు అందుబాటులో ఉంటాయని తెలిపారు. హైదరాబాద్ నగరంలోని 24 ప్రదేశాల నుంచి ఉప్పల్ స్టేడియానికి ఆర్టీసీ బస్సులను నడిపిస్తున్నామన్నారు. క్రీడాభిమానులు ఈ అవకాశాన్ని సద్వినియోగం చేసుకోవాలని ఈడీ యాదగిరి విజ్ఞప్తి చేశారు.
ఏఏ రూట్ల నుంచి ఆర్టీసీ ప్రత్యేక బస్సులు నడవనున్నాయి.. మెహదీపట్నం-రాజీవ్ గాంధీ అంతర్జాతీయ విమానాశ్రయం, ఉప్పల్ రూట్, ఘట్కేసర్-రాజీవ్ గాంధీ అంతర్జాతీయ విమానాశ్రయం, ఉప్పల్ రూట్, హయత్ నగర్, ఎన్.జీ.ఓ కాలనీ, ఇబ్రహీంపట్నం, ల్యాబ్ క్వార్టర్స్, కోటి, దిల్సుఖ్నగర్, అఫ్జల్గంజ్, లకిడికాపూల్, బీహెచ్.ఈఎల్, జీడిమెట్ల, కేపీహెచ్బీ, మేడ్చల్, మియాపూర్, జేబీఎస్, ఈసీఐఎల్ క్రాస్ రోడ్స్, యూసఫ్గూడ, బోయిన్పల్లి, చార్మినార్, చంద్రాయణగుట్ట, కొండాపూర్ -రాజీవ్ గాంధీ అంతర్జాతీయ విమానాశ్రయం, ఉప్పల్ రూట్లలో ఆర్టీసీ బస్సులను నడుపుతున్నట్లు వెల్లడించారు.
ఇవీ చదవండి:
