Skill Development case: ఏపీ స్కిల్ డెవలప్మెంట్ మాజీ సీఈవో గంటా సుబ్బారావు బెయిల్‌పై విడుదలయ్యారు. ఈ మేరకు విజయవాడ అ.ని.శా. కోర్టులో రూ.2 లక్షలు విలువచేసే పూచీకత్తును సుబ్బారావు తరఫున న్యాయవాది రామకృష్ణ ప్రసాద్‌ సమర్పించారు. స్కిల్ డెవలప్మెంట్ కార్పొరేషన్ కేసులో ఏ1గా ఉన్న సుబ్బారావు కస్టడీ కోరుతూ సీఐడీ దాఖలు చేసిన పిటిషన్ను కోర్టు తిరస్కరించింది.
సోమవారం బెయిల్ మంజూరు
Ganta SubbaRao released on bail: స్కిల్ డెవలప్మెంట్ మాజీ సీఈవో గంటా సుబ్బారావుకు సోమవారం హైకోర్టు షరతులతో కూడిన బెయిల్ మంజూరు చేసింది. సీఐడీ పోలీసులకు సుబ్బారావు అందుబాటులో ఉండాలని ధర్మాసనం ఆదేశించింది. ప్రతి శనివారం ఉ.10 నుంచి మ.1 వరకు అందుబాటులో ఉండాలని సూచించింది. సుబ్బారావును విచారించాలనుకుంటే ఒకరోజు ముందుగా సీఐడీ నోటీసులు ఇవ్వాలని స్పష్టం చేసింది.
కేసు వివరాలు..
skill development case: ఏపీ రాష్ట్ర నైపుణ్యాభివృద్ధి సంస్థ గత ప్రభుత్వ హయాంలో చేపట్టిన సీమెన్స్‌ ప్రాజెక్టు వ్యవహారంలో రూ.241 కోట్లు మేర నిధులు దుర్వినియోగం అయ్యాయన్న ఫిర్యాదుపై నమోదైన కేసులో సంస్థ మాజీ సీఈవో, ఎండీ గంటా సుబ్బారావును సీఐడీ అధికారులు అరెస్టు చేశారు. బెయిల్ కోసం గంటా సుబ్బారావు హైకోర్టులో పిటిషన్ దాఖలు చేశారు. సుబ్బారావుకు హైకోర్టు షరతులతో కూడిన బెయిల్ మంజూరు చేసింది. ఈ మేరకు ఇవాళ.. జైలు నుంచి ఆయన విడుదలయ్యారు.
ఇదీ చదవండి:D Mart: డీమార్ట్లో క్యారీ బ్యాగ్స్ కొంటున్నారా? అయితే ఇది చదవాల్సిందే..!
