కొవిడ్ మూడోదశ హెచ్చరికల నేపథ్యంలో రాష్ట్రవ్యాప్తంగా త్వరలో సీరో సర్వే చేయనున్నారు. ఐసీఎంఆర్, ఎన్ఐఎన్ సీరో సర్వే చేయనుంది. ప్రజల్లోని వ్యాధి నిరోధక శక్తిని అంచనా వేసేందుకు ఎన్ఐఎన్(జాతీయ పోషకాహార సంస్థ), ఐసీఎంఆర్ భారీ ‘సీరో’ సర్వేకి సిద్ధమైంది. గతంలో చేసిన సర్వేలో దాదాపు 60 శాతం మందిలో కొవిడ్ యాంటీబాడీలు ఉన్నట్టు ఐసీఎంఆర్ అనుబంధ సంస్థ ఎన్ఐఎన్ ప్రకటించింది. అయితే జాతీయ స్థాయిలో పోలిస్తే.. రాష్ట్రంలో 7 శాతం తక్కువగా సీరో పాజిటివిటీ నమోదైనట్లు తెలిపిన ఎన్ఐఎన్.. వ్యాక్సిన్ వేసుకున్న వారిలో సత్ఫలితాలు వస్తున్నట్టు స్పష్టం చేసింది.
అయితే 6 నుంచి 9 ఏళ్ల లోపు 55 శాతం మందిలో మాత్రమే యాంటీబాడీలు గుర్తించారు. ఇక హెల్త్ కేర్ వర్కర్లలో ఏకంగా 82.4 శాతం మందిలో కొవిడ్ యాంటీబాడీలు ఉన్నాయని నివేదికలో పేర్కొంది. ముందుగా వ్యాక్సిన్ తీసుకోవడమే ఇందుకు కారణమై ఉండొచ్చని.. అభిప్రాయపడింది. ఎన్ఐఎన్ గత నివేదిక ప్రకారం.. జనగామలో 58.76, నల్గొండలో 55.88, కామారెడ్డిలో అత్యధికంగా 65.61 శాతం మంది సీరో పాజిటివ్గా గుర్తించారు. ఎన్‌ఐఎన్లు గ్రామాల్లో ప్రజల వద్దకు వెెళ్లి రక్త నమూనాలు సేకరించి ల్యాబ్కు పంపిస్తారు. అక్కడ నమూనాలను పరీక్షించి యాంటీబాడిలు ఎంత శాతం ఉన్నాయో చెబుతారు. అందరి నమూనాలు సేకరించకుండా కాలనీలో ఒక్కరిద్దరి శాంపిల్స్ కలెక్ట్ చేస్తారు.
ఇదీ చదవండి: Bhongir Fort: అభివృద్ధికి నోచుకోని భువనగిరి కోట.. 'హామీలు మాటలకే పరిమితమా?'
