Cock Fight: సంక్రాంతి అంటే గంగిరెద్దులు, హరిదాసుల కోలాహలం, ముగ్గులు, గొబ్బెమ్మలు. ఇవన్నీ ఒక ఎత్తైతే.. కోడి పందేలు మరో ఎత్తు. సంక్రాంతి సంబురాలకు కేరాఫ్గా చెప్పుకునే ఏపీలోని ఉభయ గోదావరి జిల్లాల్లో కోడి పందేలు జోరుగా నడుస్తున్నాయి. పశ్చిమగోదావరి జిల్లా శృంగవక్షంలో ఓ వ్యక్తి కోడి పందెల్లో ఏకంగా బుల్లెట్ బండిని గెలుపొందాడు.
పాలకోడేరు మండలం శృంగవక్షంలో కౌరు రామయ్య అతని స్నేహితుడు కలిసి రూ.2.40 లక్షల విలువైన రాయల్ ఎన్‌ఫీల్డ్ బుల్లెట్‌ను ఇటీవల కొనుగోలు చేశారు. ఇవాళ కోడి పందేల్లో పాల్గొన్న ఇద్దరూ బుల్లెట్‌ను పందెంలో పెట్టారు. ఈ పందెంలో కౌరు రామయ్య విజయం సాధించి బుల్లెట్‌ను సొంతం చేసుకున్నాడు. గెలుపొందిన ఆనందంలో బుల్లెట్‌తో బరిలోనే కొద్దిసేపు చక్కర్లు కొట్టాడు. వినూత్నంగా నిర్వహించిన ఈ కోడి పందేన్ని.. పందెం రాయుళ్లు, జనాలు ఆసక్తిగా తిలకించారు.
ఇదీ చదవండి:
