RGV in Badava rascal movie pre release event: 'పుష్ప'లో జాలీరెడ్డిగా ఆకట్టుకున్న ధనంజయ్.. హీరోగా నటించిన కన్నడ చిత్రం 'బడవ రాస్కెల్'. ఈ చిత్రం ప్రీ రిలీజ్ ఈవెంట్.. 15వ తేదీన హైదరాబాద్లో జరిగింది. ఆ ఈవెంట్కు ముఖ్య అతిథిగా వచ్చిన రామ్ గోపాల్ వర్మ.. యాంకర్ శ్యామలపై షాకింగ్ కామెంట్స్ చేసి.. మరోసారి వార్తల్లోకెక్కారు. తెలుగులోనూ 'బడవ రాస్కెల్' పేరుతోనే ఈ సినిమా ఫిబ్రవరి 18న రిలీజ్ కానుంది. ఈ సినిమాకు శంకర్ గురు దర్శకత్వం వహించారు.
రామ్ గోపాల్ వర్మని.. తోపు, రౌడీ, గుండా అని సరదాగా పిలుస్తూ స్టేజ్పైకి ఆహ్వానించింది యాంకర్ శ్యామల. ఇంక అంతే స్టేజ్పైకి వచ్చిన వర్మ.. శ్యామలపైకి తన మాటలను బాణాల్లాగా వదిలాడు. తాను తోపు, రౌడీ, గుండాను మాత్రమే కాదని.. రాస్కెల్ని కూడా అని చెప్పుకొచ్చాడు. 'ఇంత అందంగా ఉన్న మీరు నా కళ్లనుంచి ఎలా తప్పించుకున్నారు' అంటూ యాంకర్పై హాట్ కామెంట్స్ చేశారు. ఆ మాటలతో శ్యామల ముసిముసిగా నవ్వుకుంది. శ్యామలపై వర్మ చేసిన కామెంట్స్ నెట్టింట వైరల్గా మారాయి.
ఇదీ చూడండి: 'కళావతి' పాట కొత్త రికార్డు.. నాని 'దసరా' షురూ
