లాక్డౌన్ సందర్భంగా సామాజిక దూరం పాటించకుండా గుమిగూడే ప్రజలను గుర్తించడానికి డ్రోన్ కెమెరాలను వినియోగిస్తున్నామని రాచకొండ సీపీ మహేశ్ భగవత్ తెలిపారు. నేరెడ్మెట్లోని కమిషనరేట్ కార్యాలయ ఆవరణలో డ్రోన్ కెమెరాలను ప్రారంభించి.. వాటి పనితీరును పరిశీలించారు.
రాచకొండ కమిషనరేట్ పరిధిలోని పహాడీ షరీఫ్, బాలాపూర్, మౌలాలీ ఠాణా పరిధిలో వీటిని వినియోగిస్తామన్నారు. సెయింట్ సంస్థ ఈ కెమెరాలను తయారుచేసినట్లు తెలిపారు.
క్షేత్రస్థాయి పరిస్థితులను డ్రోన్ కెమెరాల ద్వారా పరిశీలించి అవసరమైతే అదనపు సిబ్బందిని సంఘటనా స్థలానికి పంపించే అవకాశం ఉందన్నారు. రాచకొండ కమిషనరేట్ పరిధిలోని పోలీస్ వాహనాలను హర్ష మోటర్స్ సాయంతో శుభ్రం చేస్తున్నట్లు తెలిపారు.
ఇవీచూడండి: తెలంగాణలో కొవిడ్ రక్తనిధి కేంద్రం?.. కిరణ్షాకు కేటీఆర్ ధన్యవాదాలు
