'జడ్పీటీసీ, ఎంపీటీసీ ఎన్నికల నిర్వహణపై కౌంటర్​ దాఖలు చేయండి'

జడ్పీటీసీ, ఎంపీటీసీ ఎన్నికల నోటిఫికేషన్ విడుదల చేయాలని ఏపీ హైకోర్టులో పిటిషన్లు దాఖలయ్యాయి. వాటిపై విచారణ చేపట్టిన ధర్మాసనం.. ఈ అంశంపై కౌంటర్ దాఖలు చేయాలని ఆ రాష్ట్ర ఎస్ఈసీని ఆదేశించింది. తదుపరి విచారణ ఈనెల 20 కి వాయిదా వేసింది.

ఏపీలో జడ్పీటీసీ, ఎంపీటీసీ ఎన్నికలకు నోటిఫికేషన్ విడుదల చేసేలా ఎస్ఈసీని ఆదేశించాలని కోరుతూ.. పలువురు ఆ రాష్ట్ర హైకోర్టులో పిటిషన్లు దాఖలు చేశారు. ఈ వ్యాజ్యాలపై ధర్మాసనం విచారణ చేపట్టింది.

ఎస్ఈసీ సెలవుపై వెళ్లే యోచనలో ఉన్నారని తద్వారా పరిషత్ ఎన్నికల నిర్వహణ ఆలస్యమయ్యే అవకాశముందని పిటిషనర్ తరఫు న్యాయవాది వాదనలు వినిపించారు. దీనిపై పూర్తి వివరాలతో కౌంటర్ దాఖలు చేయాలని ఏపీ ఎస్ఈసీని న్యాయస్థానం ఆదేశించింది. తదుపరి విచారణను ఈనెల 20కి వాయిదా వేసింది.

• ఇదీ చదవండి : వాస్తవాలకు దూరంగా రాష్ట్ర బడ్జెట్: భట్టి