విదేశాల్లో ఉన్న మన పౌరులపై కొవిడ్-19 మహమ్మారి ప్రభావాన్ని ప్రభుత్వం నిశితంగా పరిశీలిస్తోంది. సముద్ర మార్గం ద్వారా వారిని స్వదేశానికి తరలించడానికి తగిన సన్నాహాలు చేయాలని భారత నావికాదళాన్ని ఇప్పటికే ఆదేశించింది. ఈ ప్రక్రియను ఆపరేషన్ "సముద్ర సేతు"గా ప్రారంభించింది. రిపబ్లిక్ ఆఫ్ మాల్దీవుల్లోని ఇండియన్ మిషన్ నావికాదళ ఓడల ద్వారా తరలించాల్సిన భారతీయ పౌరుల జాబితాను సిద్ధం చేసింది.
వైద్య పరీక్షల అనంతరం వీరిని ప్రయాణానికి అనుమతిస్తారు. మొదటి దశలో మొత్తం 1000 మందిని తరలించాలని నిర్ణయించారు. భౌతిక దూరం నిబంధనలను పాటించేలా చర్యలు తీసుకుంటారు. ఈ ఆపరేషన్ కోసం నౌకలను తగిన రీతిలో సిద్ధం చేశారు. మార్గం మధ్యలో ప్రాథమిక సౌకర్యాలు, వైద్య సదుపాయాలు, ఆహార వసతి కల్పిస్తారు. భారతీయులను క్షేమంగా దేశానికి చేర్చేలా ప్రణాళికలను సిద్ధం చేశారు.
