పంజాగుట్ట పీఎస్​కు నిలిచిపోయిన విద్యుత్​ సరఫరా

దేశంలోనే ఎక్కువ కేసులు నమోదు చేసి.. ఎక్కువ సమస్యలు పరిష్కరించే పోలీస్​ స్టేషన్​గా పేరు దక్కించుకున్న పంజాగుట్ట పోలీస్​ స్టేషన్​కు భారీ వర్షం కారణంగా రెండు రోజులుగా విద్యుత్​ సరఫరా నిలిచిపోయింది. 24 గంటలు ప్రజలకు సేవలందించే పోలీస్​ స్టేషన్​కు విద్యుత్​ సరఫరా నిలిచిపోవడం వల్ల.. సేవల విషయంలో అంతరాయం ఏర్పడింది.

హైదరాబాద్​లోనే నెంబర్​ వన్​ పోలీస్​ స్టేషన్​గా పేరు గాంచిన పంజాగుట్ట పోలీస్​ స్టేషన్​ రెండురోజులు చీకట్లో గడిపింది. భారీ వర్షాల కారణంగా గత 48 గంటలుగా పోలీస్​ స్టేషన్​కి విద్యుత్​ సరఫరా నిలిచిపోయింది. దేశంలోనే అత్యంత సేవలందించే రెండవ పోలీస్​ స్టేషన్​గా పేరు దక్కించుకున్న పంజాగుట్ట పోలీస్​ విద్యుత్​ సరఫరా నిలిచిపోవడం వల్ల స్టేషన్​ సిబ్బంది ఇబ్బందులకు గురయ్యారు.

సోమవారం నుంచి.. మంగళవారం సాయంత్రం వరకు విద్యుత్​ సరఫరా నిలిచిపోయింది. 24 గంటలు సేవలందించే పోలీస్​ స్టేషన్​కే విద్యుత్​ నిలిచిపోవడం వల్ల.. పోలీసులు సైతం ఇబ్బంది పడ్డారు. సేవలకు అంతరాయం కలిగింది.

ఇవీచూడండి: రాజకీయాలు తగవు.. సహాయక చర్యలు ముమ్మరం చేయాలి: కిషన్ రెడ్డి