'ఓ పక్క హైదరాబాద్​ మునిగిపోతుంటే పట్టించుకోరా...?'

హైదరాబాద్​లోని పలు లోతట్టు ప్రాంతాలను ఎంపీ రేవంత్​రెడ్డి సందర్శించారు. మురికి కాలువలను పరిశీలించారు. వరద ముంపు ప్రాంతాల ప్రజలను కలిసి సమస్యలను అడిగి తెలుసుకున్నారు.

హైదరాబాద్‌లోని పలు ప్రాంతాలు వరదలో మునిగితే... మంత్రి కేటీఆర్‌ తీగల వంతెన ప్రారంభమంటూ హడావిడి చేస్తున్నారని... మల్కాజిగిరి ఎంపీ రేవంత్‌రెడ్డి విమర్శించారు. వరద ముంపునకు గురైన సరూర్‌నగర్, లింగోజిగూడ, బైరామల్‌గూడ, దిల్‌సుఖ్‌నగర్‌, గడ్డిఅన్నారం ప్రాంతాల్లో రేవంత్​రెడ్డి పర్యటించారు.

లోతట్టు ప్రాంతాల కాలనీ వాసుల సమస్యలను అడిగి తెలుసుకున్నారు. మురికి కాలువలను పరిశీలించారు. సరూర్‌నగర్‌ పరిధిలోని పలు కాలనీల ప్రజలు బయటకి రాలేక తీవ్ర ఇబ్బందులు పడుతుంటే... పురపాలక మంత్రి, ఎమ్మెల్యే పట్టించుకోవట్లేదని రేవంత్​రెడ్డి ఆగ్రహం వ్యక్తం చేశారు.

ఇదీ చూడండి: ఎన్నికలకు ముందే కొత్త చట్టం...పారదర్శకతే ప్రధాన లక్ష్యం