కొవిడ్ కారణంగా ఆర్థిక సమస్యలు ఎదుర్కొంటున్న కళాకారులను ఆదుకునే ఉద్దేశంతో స్టేట్ ఆర్ట్ గ్యాలరీలో ఏర్పాటు చేసిన ఫినిక్స్ ఆర్ట్ ఎగ్జిబిషన్ను మంత్రి శ్రీనివాస్ గౌడ్ ప్రారంభించారు. దాదాపు 100 మందికి పైగా కళాకారులు పాల్గొన్న ఈ ప్రదర్శనలో పెయింటింగ్, ఫొటోగ్రఫీ, శిల్పకళ తదితర అద్భుతాలను ప్రదర్శిస్తున్నారు.
ఆర్ట్ గ్యాలరీని ప్రతి ఒక్కరూ ఉపయోగించుకోవాలని మంత్రి కోరారు. ఎనిమిది రాష్ట్రాల నుంచి కళాకారులు ఇక్కడికి వచ్చి ప్రదర్శనలు చేపట్టారని పేర్కొన్నారు. హ్యాండీ క్రాఫ్ట్ మేళా త్వరలో ఏర్పాటు చేయనున్నట్లు తెలిపారు.
వారం రోజులపాటు జరగనున్న ఈ ప్రదర్శన ద్వారా కొవిడ్ సమయంలోనూ కళాకారులను ప్రోత్సహించే ప్రయత్నం చేస్తున్నట్టు మంత్రి పేర్కొన్నారు. కళల కాణాచిగా తెలంగాణను మంత్రి అభివర్ణించారు. విదేశాల నుంచి కళాకారులు ఇక్కడకు వచ్చి ప్రదర్శనల్లో పాల్గొనేలా మున్ముందు మరిన్ని చర్యలు తీసుకోనున్నట్టు ప్రకటించారు.
ఇదీ చూడండి: నవంబర్ 20 నుంచి డిసెంబర్ 1 వరకు తుంగభద్ర పుష్కరాలు
