'పార్టీ కోసం పనిచేసిన వారికి ఆ స్థాయి ప్రాధాన్యత ఇస్తాం'

బల్దియా ఎన్నికల సందర్భంగా తెరాసలో టికెట్లు ఆశించి భంగపడ్డ అభ్యర్థులను మంత్రులు బుజ్జగించే పనిలో పడ్డారు. అంబర్​పేట డివిజన్​ ఆశించి దక్కకపోగా... రెబల్​గా నామినేషన్​ వేసిన మహమ్మూద్ యాసిన్ షరీఫ్​తో మంత్రి నిరంజన్​రెడ్డి భేటీ అయ్యారు.

పార్టీ కోసం మొదటి నుంచి పని చేసిన వ్యక్తులకు తప్పకుండా ప్రాధాన్యత ఇస్తామని మంత్రి నిరంజన్​రెడ్డి తెలిపారు. హైదరాబాద్​ అంబర్​పేట డివిజన్​ టికెట్​ ఆశించి భంగపడిన మహమ్మూద్ యాసిన్ షరీఫ్​ను మంత్రి బుజ్జగించారు. రెబల్​గా పోటీకి దిగిన షరీఫ్​ను నామినేషన్​ ఉపసంహరించుకోవాలని కోరారు. పార్టీ కోసం పదేళ్లుగా కృషిచేస్తోన్న షరీఫ్​కు భవిష్యత్తులో మంచి పదవి దక్కేలా తాను బాధ్యత తీసుకుంటానని మంత్రి హామీ ఇచ్చారు.

ఇదీ చూడండి: ప్రపంచంలోనే సురక్షితమైన నగరం హైదరాబాద్‌: మంత్రి కేటీఆర్