KBC: కేబీసీలో దాదా, సెహ్వాగ్​లకు కేటీఆర్​​పై ప్రశ్న.. అదేంటంటే..?

హిందీలో ఎంతో పేరు మోసిన కార్యక్రమం. కోట్ల మంది చూసే అతి పెద్ద గేమ్​షో. బిగ్​ బీ అమితాబ్​ ఆ షోకి వ్యాఖ్యాత. అందులో పార్టిసిపెంట్లుగా ఇద్దరు లెజండరీ మాజీ క్రికెటర్లు. ఎంతో ఆసక్తికరంగా సాగుతున్న ఆ ఆటలో తెలంగాణ ఐటీ మంత్రి కేటీఆర్​కు సంబంధించిన ప్రశ్న కంప్యూటర్​ స్క్రీన్​పై ప్రత్యక్షమైంది.. ఏంటా ప్రశ్న..? ఆ ప్రశ్నకు ఆ పార్టిసిపెంట్స్​ సమాధానం చెప్పారా..? చూసేయండి.

బాలీవుడ్ బిగ్​బీ వ్యాఖ్యాతగా ప్రసారమవుతోన్న కౌన్​బనేగా కరోడ్​పతి- 13 వ సీజన్ ఆగస్టు 23న​ ప్రారంభమై.. ఎంతో ప్రేక్షకాదరణ పొందింది. ఇప్పటికే 12 సీజన్లు పూర్తి చేసుకున్న ఈ గేమ్​షో.. ఎంతో హిట్టయిన విషయం తెలిసిందే. అయితే ఈ సీజన్​లో శుక్రవారం(సెప్టెంబర్​-03న) రోజున.. పార్టిసిపెంట్స్​గా ఒకప్పటి లెజండరీ క్రికెటర్లు గంగూలీ, సెహ్వాగ్​ పాల్గొన్నారు. అయితే ఈ ఎపిసోడ్​కు సంబంధించిన ప్రోమో... వీక్షకుల్లో ఆసక్తి రేకెత్తించగా.. కేబీసీ ఫ్యాన్స్​ మిస్సవకుండా ప్రోగ్రాం చూశారు. బిగ్​బీని హాట్​ సీట్లో కూర్చోబెట్టి.. దాదా వ్యాఖ్యాతగా వ్యవహరించటం నవ్వులు పూయించింది.

కేబీసీలో కేటీఆర్​ ట్వీట్​...

ఇదంతా ఒకెత్తయితే... ఇదే ఎపిసోడ్​లో అనూహ్యంగా ఓ ప్రశ్న అందరి దృష్టిని ఆకర్షించింది. ఎంతో సరదాగా.. ఆసక్తికరంగా సాగుతున్న ఆటలో.. కంప్యూటర్​ స్క్రీన్​పై తెలంగాణ ఐటీ మంత్రి కేటీఆర్​కు సంబంధించిన ప్రశ్న దర్శనమిచ్చింది. కరోనా సమయంలో వస్తున్న మందుల విచిత్ర పేర్ల విషయంలో మంత్రి కేటీఆర్​.. అప్పట్లో చేసిన ట్వీట్​కు సంబంధించిందే ఆ ప్రశ్న. మంత్రి కేటీఆర్​.. కేంద్ర మాజీ మంత్రి శశిథరూర్​కు మధ్య జరిగిన సరదా సంభాషణను గుర్తుచేసింది.

ఆ రోజు సరదాగా చేసిన ట్వీట్​..

కరోనా వైద్యంలో భాగంగా వాడుతున్న మందులు, మాత్రల పేర్లను తన ట్విట్టర్​ వేదికగా మే 20, 2021న ప్రస్తావించిన కేటీఆర్.. పలికేందుకు కష్టంగా ఉన్న పేర్లు ఎందుకు పెట్టారో ఎవరికైనా తెలుసా? అని సరదాగా ప్రశ్నించారు.

అసలు ప్రశ్న ఇదే..

అదే ట్వీట్​ను ఆధారంగా చేసుకుని.. ఆ ట్వీట్​లో మంత్రి కేటీఆర్​ ఎవరిని ట్యాగ్​ చేశారన్న దాన్ని ప్రశ్నగా దాదా, సెహ్వాగ్​లపై సంధించారు అమితాబ్​. నలభై వేల విలువ గల ఈ ప్రశ్నకు... ట్విట్టర్​లో యాక్టివ్​గా ఉండే ఈ ఇద్దరు లెజండరీలు కాసేపు ఆలోచించారు. మొత్తానికి సరైన సమాధానం చెప్పేశారనుకోండి. ఈ ప్రశ్నకు సంబంధించిన ఫొటోను ఓ వ్యక్తి ట్విట్టర్​లో మంత్రి కేటీఆర్​కు ట్యాగ్ చేశారు. ఈ ట్వీట్​ సామాజిక మాధ్యమాల్లో చక్కర్లు కొడుతోంది.

• Ain’t this hilarious @ShashiTharoor !
  
  Just a tongue-in-cheek comment apparently made it to KBC 😁
  
  Hope Dada and Sehwag got it right https://t.co/y6VsC9lFEg

  — KTR (@KTRTRS) September 3, 2021

" class="align-text-top noRightClick twitterSection" data="

Ain’t this hilarious @ShashiTharoor !

Just a tongue-in-cheek comment apparently made it to KBC 😁

Hope Dada and Sehwag got it right https://t.co/y6VsC9lFEg

— KTR (@KTRTRS) September 3, 2021

">

Ain’t this hilarious @ShashiTharoor !

Just a tongue-in-cheek comment apparently made it to KBC 😁

Hope Dada and Sehwag got it right https://t.co/y6VsC9lFEg

— KTR (@KTRTRS) September 3, 2021