ధరణి పోర్టల్ ద్వారా ఇప్పటి వరకు 8,488 రిజిస్ట్రేష్లన్లు పూర్తయ్యాయి. మొదటి రోజు కేవలం 507 రిజిస్ట్రేషన్లు కాగా... ఆ సంఖ్య రోజురోజుకూ క్రమంగా పెరుగుతోంది. సోమవారం రాష్ట్రవ్యాప్తంగా 2,285 రిజిస్ట్రేషన్లు జరిగాయి. అత్యధికంగా కామారెడ్డి జిల్లాలో 556, మెదక్ లో 551, రంగారెడ్డిలో 463, నల్గొండలో 446 రిజిస్ట్రేషన్లు పూర్తయ్యాయి. ఇప్పటి వరకు ధరణి పోర్టల్ను75.70 లక్షల మంది వీక్షించారు. 14,546 మంది స్లాట్లు బుక్ చేసుకోగా... రూ. 18.60 కోట్లు చెల్లించారు.
బీఆర్కే భవన్లో ఏర్పాటు చేసిన ధరణి కంట్రోల్ రూంను వైద్య, ఆరోగ్యశాఖ మంత్రి ఈటల రాజేందర్ పరిశీలించారు. ధరణి పోర్టల్, కంట్రోల్ రూం పనితీరును మంత్రికి సీఎస్ సోమేశ్ కుమార్ వివరించారు. వందమంది సిబ్బంది ఎప్పటికప్పుడు సాంకేతిక సమస్యలను పరిష్కరిస్తున్నారని, సీనియర్ అధికారులు వ్యక్తిగతంగా ప్రక్రియను పర్యవేక్షిస్తున్నారని తెలిపారు.
ఇదీ చూడండి: గ్రామపంచాయతీ పనుల పర్యవేక్షణకు యాప్స్ ఆవిష్కరణ: ఎర్రబెల్లి
