ఇంటి పన్ను చెల్లించలేదని పురపాలిక అధికారులు ఓ ఇంట్లో టీవీని ఎత్తుకెళ్లారు. యజమాని అడ్డుకొని పన్ను బకాయి చెల్లించగా.. టీవీని వదిలేసి వెళ్లిపోయిన ఘటన హైదరాబాద్ మణికొండ పురపాలికలో చోటుచేసుకుంది. సురేంద్రనాథ్ అనే ఐటీ ఉద్యోగి... పురపాలిక సంఘానికి 9 వేలు ఆస్తిపన్ను బకాయి ఉంది. మున్సిపల్ అధికారులు పన్ను చెల్లించాలని నోటీసులు పంపించారు. నోటీసులపై స్పందించిన వ్యక్తి.... అపార్ట్‌మెంట్‌లోని మిగతా వారికంటే తనకు ఎక్కువ పన్ను వేశారని ఆరోపించారు.
బకాయిలు చెల్లించనందున.. ఇంటికి వెళ్లిన అధికారులతో సురేంద్రనాథ్ వాగ్వాదానికి దిగారు. పన్ను చెల్లించకుంటే ఇంట్లోని వస్తువులను జప్తుచేస్తామని.. ఇంట్లో ఉన్న టీవీని తొలిగించారు. కంగుతిన్న వ్యక్తి కాసేపటికి పన్ను చెల్లించాడు. ఈ విషయంపై అధికారులను ఈటీవీ వివరణ కోరగా... నిబంధనల ప్రకారమే పోలీసుల సమక్షంలో చర్యకు పాల్పడినట్లు తెలిపారు.
