భారీ వర్షాలు, వరదల వల్ల ఇబ్బందులకు గురవుతున్న వరద బాధితులకు అండగా ఉండటం కోసం మనంసైతం ఫౌండేషన్ విరాళాలు సేకరిస్తున్నట్టు సంస్థ వ్యవస్థాపకులు కాదంబరి కిరణ్ అన్నారు. ఫిలిం ఛాంబర్లో విరాళాల సేకరణ కార్యక్రమం నిర్వహిస్తున్నట్టు ఆయన తెలిపారు.
పలు సందర్భాల్లో బాధితులకు తమ వంతు సహాయం చేసేందుకు మనంసైతం సంస్థను ఏర్పాటు చేసినట్లు కిరణ్ వెల్లడించారు. వివిధ వర్గాల నుంచి సేకరించిన విరాళాలను ప్రకృతి ప్రకోపానికి గురైన బాధితులకు అందజేస్తామన్నారు. తమ సంస్ధ ఆధ్వర్యంలో గతంలో కూడా ఇలాంటి సహాయ కార్యక్రమాలు నిర్వహించినట్లు ఆయన తెలిపారు. ఈ సమాజంలో ఉంటున్నందుకు.. ఆపదలో ఉన్నవారికి మన వంతు సాయం అందించడం మన బాధ్యతగా భావించాలన్నారు.
ఇదీ చదవండి: హైదరాబాద్లో కొనసాగుతోన్న వరుణుడి ప్రతాపం
