రైలు కింద పడి ఓ వ్యక్తి ఆత్మహత్య

సికింద్రాబాద్​ రైల్వే స్టేషన్​లో రైలు కింద పడి ఓ వ్యక్తి ఆత్మహత్య చేసుకున్నాడు. మృతుడు ఝార్ఖండ్​కు చెందిన వ్యక్తిగా పోలీసులు గుర్తించారు. మరో కేసులో రైలు ఢీకొని గుర్తు తెలియని వ్యక్తి ఆస్పత్రిలో చికిత్స పొందుతూ మరణించాడు.

సికింద్రాబాద్ రైల్వే స్టేషన్​లో బీజాపూర్ ప్యాసింజర్ రైలు కింద పడి ఓ వ్యక్తి ఆత్మహత్య చేసుకున్నాడు. మృతుడు ఝార్ఖండ్ వాసిగా పోలీసులు గుర్తించారు. మొదట ఈస్ట్ కోస్ట్ ఎక్స్​ప్రెస్​ కింద పడి ఆత్మహత్యకు యత్నించగా ప్రయాణికులు కాపాడారు. వెంటనే 4వ ప్లాట్​ ఫారానికి వెళ్లి బీజాపూర్ ప్యాసింజర్​ కింద పడి బలవన్మరణం చేసుకున్నాడు. మృతుని కుటుంబ సభ్యులకు పోలీసులు సమాచారాన్ని అందజేశారు.

మరో కేసులో రైలు ఢీకొని గుర్తు తెలియని వ్యక్తి ఆస్పత్రిలో చికిత్స పొందుతూ మరణించాడు. బొల్లారం- గుండ్లపోచంపల్లి రైల్వే స్టేషన్​ మధ్య పట్టాలు దాటుతుండగా ప్రమాదానికి గురైనట్లు స్థానికులు తెలిపారు. గాంధీ ఆసుపత్రిలో చికిత్స పొందుతూ మరణించినట్లు వైద్యులు తెలిపారు.

ఇదీ చూడండి: ఇస్మార్ట్ గంజాయి ముఠా...!