విద్యార్థి వ్యతిరేక విధానాలు తక్షణమే వెనక్కి తీసుకోవాలని వామపక్ష విద్యార్థి సంఘాలు హైదరాబాద్లో ఆందోళనకు దిగాయి. డిగ్రీ కళాశాలల్లోని పీజీ కేంద్రాల ఎత్తివేతకు నిరసనగా... పీడీఎస్యూ, ఏఐఎస్ఎఫ్, ఎస్ఎఫ్ఐ, టీవీవీ, ఏఐడీఎస్ఓ నాయకులు ర్యాలీగా వెళ్లి నాంపల్లిలోని విద్యాభవన్ను ముట్టడించారు. గతంలో ఉన్న విధంగానే పీజీ కేంద్రాలను కొనసాగించకుంటే ఆందోళన ఉద్ధృతం చేస్తామని హెచ్చరించారు. పరిస్థితి విషమిస్తుందని గమనించిన పోలీసులు విద్యార్థి నాయకులను అరెస్టు చేసి బేగంబజార్ పోలీసు స్టేషన్కు తరలించారు.
'పీజీ కేంద్రాలను యథావిధిగా కొనసాగించాలి'
ఇదీ చూడండి: ఇంజినీరింగ్ రుసుముల పెంపుపై కసరత్తు వేగవంతం
