Konaseema District name changed : కోనసీమ జిల్లా పేరు మారనుంది. ఆ జిల్లా పేరును డా.బీఆర్. అంబేడ్కర్‌ కోనసీమ జిల్లాగా మార్చాలని ఏపీ ప్రభుత్వం నిర్ణయించింది. దీనిపై ప్రాథమిక నోటిఫికేషన్ విడుదల చేసింది. అమలాపురం కేంద్రంగా ఏర్పాటు చేసిన కోనసీమ జిల్లాకు డా బీఆర్.అంబేడ్కర్‌ పేరు పెట్టాలని దళిత, ప్రజాసంఘాలు, వివిధ పార్టీలు కోరాయి. దీనికోసం పలుచోట్ల ఆందోళన కార్యక్రమాలు కూడా జరిగాయి. ఈ నేపథ్యంలో కోనసీమ జిల్లా పేరులో డా.బీఆర్.అంబేడ్కర్‌ పేరును చేరుస్తూ ప్రభుత్వం నిర్ణయం తీసుకుంది.
కోనసీమ జిల్లా పేరు మార్పు చేస్తూ ప్రభుత్వం ప్రాథమిక నోటిఫికేషన్ జారీ చేసింది. డాక్టర్ బీఆర్ అంబేడ్కర్‌ కోనసీమ జిల్లాగా పేరు మార్చింది. పేరు మార్పుపై నెల రోజుల్లోగా అభ్యంతరాలు, సూచనలు కలెక్టర్‌కు తెలపాలంటూ ప్రాథమిక నోటిఫికేషన్లో తెలిపింది.
