కర్ణాటక రాజకీయ ప్రకంపనలకు కారణమైన 17 మంది అసమ్మతి ఎమ్మెల్యేలపై వేటు వేసిన స్పీకర్‌ రమేష్‌ కుమార్ ఇవాళే రాజీనామా చేశారు. అనంతరం మాజీ కేంద్రమంత్రి జైపాల్ రెడ్డి అంత్యక్రియలకు హాజరయ్యేందుకు హైదరాబాద్‌ వచ్చారు. ఈ సందర్భంగా మీడియాతో పలు విషయాలు మాట్లాడారు. తప్పు చేసిన వారికి శిక్ష పడాలనే ఈ నిర్ణయం తీసుకున్నట్లు ఆయన తెలిపారు. తానేమి గొప్ప పని చేయలేదని చెప్పిన రమేష్‌ కుమార్ యువతరానికి మార్గదర్శకంగా ఉండాలనే ఈ పని చేసినట్లు తెలిపారు.
దివంగత జైపాల్ రెడ్డి తనకు సోదరునితో సమానమన్నారు కర్ణాటక మాజీ స్పీకర్‌ రమేష్‌ కుమార్. తమకు 35 ఏళ్ల బంధం ఉందన్న ఆయన... జైపాల్ రెడ్డి తనకు మెంటర్ అన్నారు. రాజకీయాలపరంగానే కాకుండా వ్యక్తిగంతగానూ ఎన్నో సలహాలను ఇచ్చేవారని గుర్తు చేసుకున్నారు. జైపాల్ రెడ్డి ఆదర్శాల కోసం నిలిచిన గొప్ప వ్యక్తి అని తెలిపారు.
ఇవీ చూడండి: కర్ణాటక సభాపతి రమేశ్ కుమార్ రాజీనామా
